(UTV | இந்தியா) – நடிகர் விஜய்யின் பிறந்த நாளில் மாஸ்டர் ட்ரெய்லர் வராவிட்டாலும் விஜய்யை வைத்து வெளியாகியுள்ள அனிமேஷன் குறும்படம் பரவலான வரவேற்பை பெற்று வருகிறது.
நடிகர் விஜய்யின் பிறந்தநாள் இன்று அவரது ரசிகர்களால் விமர்சையாக கொண்டாடப்படுகிறது. இந்நிலையில் மாஸ்டர் படத்தின் ட்ரெய்லர் வெளியாகலாம் என்ற எதிர்பார்ப்புகள் இருந்த நிலையில் புதிய போஸ்டர் மட்டுமே வெளியானது. இந்நிலையில் விஜய் உள்ளிட்ட தமிழ் சினிமா ஹீரோக்கள் வைத்து உருவாகியுள்ள கொரோனா விழிப்புணர்வு குறும்படம் ட்ரெண்டாகியுள்ளது.
அந்த விழிப்புணர்வு குறும்படத்தில் மாஸ்டர் பட லுக்கில் வரும் விஜய், அரக்கனாக வரும் கொரொனா வைரஸை ஒரு லத்தியை வைத்து அடித்து நொறுக்குகிறார். தொடர்ந்து அவருக்கு உதவியாக கைதி கார்த்தி, விவேகம் அஜித், எந்திரன் ரஜினி, மாரி தனுஷ் என கோலிவுட் பட்டாளமே குவிவதாக காட்டப்பட்டுள்ளது. இறுதியாக வரும் 24 பட சூர்யா டைம் ட்ராவல் செய்து சைனாவில் வௌவால் சூப் சாப்பிடாமல் தடுப்பதாகவும் காட்சிகள் உள்ளது. விஜய் பிறந்தநாளான இன்று இந்த வீடியோ ட்ரெண்டாகி வருகிறது.
